مدرب لعبة الشيش امجد عبد الحليم المصري يرفع علم امريكا في أولمبياد باريس

القاهرة / عدن الامل / زياد الخولى

في حوار مع صديقي في حدث حصل امبارح في اولمبياد باريس حقيقي يحزن جدا د، لاعبة الشيش الامريكية ” لي كيفير ” قدرت تكسب الميدالية الذهبية امبارح في أولمبياد باريس.
مين بقي مدرب لي كيفير اللي ساهم في الانجاز ده ؟
مدرب مصري اسمه “امجد عبد الحليم”، مش بس كدة .. لي كيفير قدرت تكسب الميدالية الذهبية برضه في اولمبياد طوكيو الماضية و امجد عبد الحليم كان المدرب بتاعها برضه.

أمجد كان بيشتغل في مصر و كان مقدم نتائج كويسة جدا لكن للاسف الاتحاد المصري استغني عنه بشكل مفاجئ و بدون اي اسباب، و بعد زمن ليس بعيد جاءت فرصة لامجد حيث وصلت له عروض كتيرة بعدها من دول تانية، لحد ما قرر في عام 2003 الانتقال إلى أميركا عشان يدخل طاقم التدريب الخاص برياضة الشيش
امجد اشتغل مع اللاعبة لي كيفير الامريكية من 2004 لما كان عندها ٩ سنين، فضل يجهزها و يأهلها لحد ما كسبت اتنين ميدالية ذهبية علي التوالي في اولمبياد طوكيو و اولمبياد باريس.

امجد امبارح عمل الانجاز ده بإسم اميركا و رفع العلم الامريكي، كادر مهم و شاطر زي ده انت استغنيت عنه بصورة ساذجة جدا و راح حقق نجاح لدولة تانية غيرك شي محزن أن تخسر مصر متل هولاء كوادر.