وشوشة ضحك

احمد السني

في ناس وشوشها ضحك وكلامها عسل
لكن جواها نار وحقد بيشتعل
لو شافوا فرحه فـ عينين الغير
يتمنّوا تنطفي ويغيب الخير
يمشي يطعن فـ ضهرك بابتسامه
ويبيع أقرب ناسه عادي وبسهوله وندامه
قلبه أسود ما يعرفش حنان
وعمره ما فرح لحد بقى إنسان
لو حد نجح قال أصلها حظوظ
ولو حد وقع زاد عليه بجروح
عينه دايمًا بصّه للي فـ إيد الناس
وعمر الرضا ما لمس الإحساس
يحسد الطيب ع راحته ونومه
ويحقد ع الضحكه وسط يومه
ولو لقى اتنين قلوبهم صافيه
يدخل بينهم بفتنه خافيه
عامل نفسه ملاك وسط الخلق
وهو أول واحد يبيع وقت الضيق
كلامه سمّ متغلف فـ حرير
وقلبه حجر ما يعرفش الخير
لا عمره شكر نعمه عاش فيها
ولا رضي بالرزق اللي ربنا مديه
دايمًا ساخط… دايمًا غضبان
كإن الدنيا واخده منه الأمان
بس اللي مليان حقد وغلّ
مهما يضحك قلبه يفضل ذلّ
لأن النضيف مرتاح الضمير
أما المؤذي عايش عمره كسير
خليك بعيد عن وشوش الريا
اللي تضحكلك وفـ قلبها أذى
وأوعى تدي سرك لإنسان حقود
ده الحقد عمره ما يبني حدود.

شاعر مصري