عالم مصري يبتكر اسرع مجهر الكتروني في العالم

القاهرة / عدن الامل / زياد الخولى

أين الإعلام المصرى من مثل تلك النماذج المشرفه للوطن بل للعالم العربي كله؟!!
محمد حسن عالم فيزياء مصري الدنيا مقلوبه عليه بره حالياً، قدر يخترع ميكروسكوب يصور الإليكترون وهو بيجري، واللي ميعرفش ان الإليكترون ده جزء صغير جداً من الذرة، العالم ده قدر يصوره وهو بيتحرك، ويمشي وراه رايح جاي بالعدسه.

عارف اختراع الفيمتو ثانية ، أهو العالم ده الميكروسكوب بتاعه أعلي من الفيمتو ثانية ب ألف مره .

والاختراع ده هيفيد العالم في المجالات النوويه والطبيه والفيزياء والكيمياء وتطبيقات مالهاش اول من آخر .

صاحب الاختراع ده يبقي العالم المصري محمد حسن ، اللي موقع جامعة اريزونا بيفخر بيه وأبحاثه نزلت من يومين علي كل المجلات العلمية المتخصصة .

واضح إن العلماء المصريين بيعلوا علي بعض في المجال ده وشكلها كده، نوبل تانية جايه في الطريق