عامل مدافن يخترع قصه من أجل الحصول الفلوس

القاهرة / عدن الامل / زياد الخولى

عامل مدافن (تربي) معدوم الضمير قرر يخترع قصه هو وابنه ومراته وراح جاب صوره لمؤمن زكريا وعمل عليها طلاسم وحطها في حجاب وقال انه لقاها مدفونه في تربه وجاب مصور يصورها وينزلها ع السوشيال ميديا ،وجابوا رقم مؤمن زكريا وقالولوا الحق لقينا العمل اللي معمولك هات شيوخ يفكوا العمل وتعالي !
طبعا مؤمن زكريا زي الغريق اللي بيتعلق بقشايه وبيدور علي اي علاج لمرضه ، مؤمن جاب 3 شيوخ وراحولهم في المدافن وشافوا العمل والشيوخ قالوا كده هنفك العمل وصحتك هترجعلك ،وطبعا مؤمن اعطي التربي مبلغ كبير وشكره وهو الهدف من كل الفبركه دي انهم يطلعوا بقرشين !
الشرطه قبضت علي التربي وابنه ومراته وابن خالته واعترفوا ان كل ده نصب وانهم اللي عملوا كل ده عشان الفلوس !