رثاء : (( أنهد حيلي ))

الشاعر نايل علي الشريم

نظمها في أخيه المرحوم جلال الشريم ابو عصام في سنة 2023 ويعيد نشرها في الذكرى الثانية لوفاته.

انهد حيلي
وربي وانكسر ظهري
والحزن خيم
وانا فارقت اخوي جلال
سندي راح اللي انا شاركه أمري
حكيم دائمًا يفككها عقد واقفال
وياللي على صورته بابكي مدى دهري
و ابكن معي يا نساء الحارة مع الاطفال
يا الموت لا سامحك.. ذي انت تبا قهري
عدمتني خوي وهو المكسب وراس المال
حرام غالي تشله هكذا غدري
جرحت قلبي ودمعي جرّح الاسبال
أبكيت نفسي ولا أتكابرت من كبري
ماعاد هميت لا أمه ولا الجهال
والأكل والشرب ماله نفس وش عذري
وش عاد ابا القوت وكبدي نارها شعال
وصيته اليوم يسألني وما يدري
يقول ياعم حضّر بوي لي في الحال
أخطيت يا الموت اخذته مننا بدري
ذي كان كامل با تشهد له الاجيال
والله مانساك لما انحط في قبري
وبا التقي بك ونطمن على الاحوال
واتخبرك وش حصل لك.. يا بعد عمري
وش ذي انفجر فيك بآخر يوم من شوال
ابو علي قال: ضاق الصبر من صبري
على من رحل مننا ريت أن عمره طال
مامثل ذا الفاجعة .. مرة على عصري
الله لا ردها .. ذي مطلع لعمال
لكن لك الحمد ياربي .. ولك شكري
شهيد يبقى جوار المصطفى و الآل