حسين صدقي لقب بشيخ الفنانين فى سنة 1936 اكتشفه يوسف وهبى و ضمه لفرقة رمسيس..

القاهرة / عدن الامل / زياد الخولي

يومها حسين معرفش ينام من كتر الفرحة.. يوسف بك بحاله باعت له.. وهو اللى معروف أنه مبيطلبش حد لفرقته..
فى الوقت المحدد كان حسين واقف قدام يوسف بك اللى اعجب بيه من اول لقاء.. وادله دور كبير ومهم فى مسرحيته الجديدة وقاله “بكرة الصبح تكون موجود فى البروفة”..
خد حسين نسخة من المسرحية وروح.. وتانى يوم كان واقف قدام يوسف وهبي بيعتذر له عن المشاركة فى المسرحية..
وقتها يوسف وهبي مبقاش فاهم إزاي ممثل جديد ممكن يضيع فرصة زي دي؟ وعلشان كده سأل حسين عن سبب رفضه فلقاه بيقوله “لان الدور لشاب بينزلق فى علاقة مع زوجةأبيه” فضحك يوسف وقاله “طيب وماله ؟”.. وهنا استغفر حسين صدقي وقال “انا ضميري يؤنبني لو قبلت تمثيل هذه الشخصية” وقبل ما يوسف بك يسأل سؤال تانى.. خد حسين بعضه ومشي بعد ما اعتذر..
وهنا يوسف وهبي لقى جماعة حواليه بيكلموه عن حسين صدقي وبيقولوا له أنه شاب مستقيم بيصلي كل الفروض فى مواعيدها .. وانه بيقعد على قهوة راديو فى شارع عماد الدين ومش بيشرب الا الشاي والكازوزة.. وفى مواعيد الصلاة بيسيب القهوة ويروح يصلى فى أقرب مسجد.. وبعدها يرجع يكمل الندوات الأدبية والفنية اللى بيشارك فيها مع زمايله من النجوم على القهوة.
الفنان حسين صدقى كانت كل أفلامه هادفة وتدعو إلى الفضيلة وكان زملاءه يلقبونه ب (شيخ الفنانين)لكنه فى وقت من الاوقات ضاق من الغزو الأجنبى للسينما المصرية
قدم للسينما اجمل الافلام الهادفه مثل افلام البيت السعيد وفيلم الشيخ حسن والفيلم الدينى خالد بن الوليد ومن أشهر افلامه فيلم شاطئ الغرام
وقرر الاعتزال
وبنى مسجد بجوار بيته كان يؤدى فيه الصلوات ويساعد فيه كل محتاج سواء احتياج مادى أو معنوي
اختاره أهل الحى الذى يسكن فيه للترشيح لعضوية مجلس الشعب عن دائرتهم وعندما نجح كان مطلبه من المجلس سن قانون يمنع الخمور
رحم الله الفنان حسين صدقى وغفر له واسكنه فسيح جناته